Perde 2
Psevdolvs
Id est nomen mihi.
Harpax
Verba multa facimus. erus si tuos domi est, quin provocas,
ut id agam quod missus huc sum, quidquid est nomen tibi?
Psevdolvs
Si intus esset, evocarem. verum si dare vis mihi,
640
magis erit solutum, quasi ipsi dederis.
Harpax
At enim scin quid est?
reddere hoc, non perdere erus me misit. nam certo scio,
hoc febrim tibi esse, quia non licet huc inicere ungulas.
ego, nisi ipsi Ballioni, nummum credam nemini.
Psevdolvs
At illic nunc negotiosust: res agitur apud iudicem.
645
Harpax
Di bene vortant. at ego quando eum esse censebo domi,
rediero. tu epistulam hanc a me accipe atque illi dato.
nam istic sumbolust inter erum meum et tuom de muliere.
Psevdolvs
Scio equidem: ut qui argentum adferret atque expressam imaginem
suam huc ad nos, cum eo aiebat velle mitti mulierem.
650
nam hic quoque exemplum reliquit eius.
Psevdolvs
Quid ego ni teneam?
Harpax
Dato istunc sumbolum ergo illi.
