Perde 1
[Textpart 1]
Recita modo: ex tabellis iam faxo scies
Calidorvs
quam subito argento mi usus invento siet.
50
Psevdolvs
“Leno me peregre militi Macedonio
minis viginti vendidit, voluptas mea;
et prius quam hinc abiit, quindecim miles minas
dederat; nunc unae quinque remorantur minae.
ea caúsa miles hic reliquit symbolum,
55
expressam in cera ex anulo suam imaginem,
ut qui huc adferret eius similem symbolum,
cum eo simul me mitteret. ei rei dies
haec praestituta est, proxuma Dionysia.”
Calidorvs
Prope adest exitium mihi,
60
nisi quid mihi in te est auxili.
Calidorvs
Sino, nám mihi videor cúm ea fabularier;
lege: dulce amarumque una nunc misces mihi.
Psevdolvs
“Nunc nostri amores mores consuetudines,
iocus lúdus sermo suavisaviatio
65
compressiones artae amantum corporum,
