Perde 1
[Textpart 5]
Edepol mortalem graphicum, si servat fidem.
Psevdolvs
Servitum tibi me abducito, ni fecero.
520
Callipho
Bene atque amice dicis. †nam nunc, nam meust.
Psevdolvs
Vin etiam dicam quod vos magis miremini?
Callipho
Studeo hercle audire, nam ted ausculto lubens.
Simo
Agedum, nam satis libenter te ausculto loqui.
Psevdolvs
Prius quam ístam pugnam pugnabo, ego etiam prius
dabo aliam pugnam claram et commemorabilem.
525
Psevdolvs
Em ab hoc lenone vicino tuo
per sycophantiam atque per doctos dolos
tibicinam illam, tuos quam gnatus deperit,
ea círcumducam lepide lenonem.
Psevdolvs
Effectum hoc hodie reddam utrumque ad vesperum.
530
Simo
Siquidem ístaec opera, ut praedicas, perfeceris,
virtute regi ágathocli antecesseris.
sed si non faxis, numquid causaest, ilico
quin te in pistrinum condam?
Psevdolvs
Non unum in diem modo,
