Perde 1
[Textpart 5]
celata me sunt? quor non rescivi?
quia nolebam ex me morem progigni malum,
erum ut servos criminaret apud erum.
Simo
Iuberes hunc praecipitem in pistrinum trahi.
Callipho
Numquid peccatum est, Simo?
495
Psevdolvs
Desiste, recte ego meam rem sapio, Callipho;
peccata mea sunt. animum advorte nunciam.
quapropter te expertem amoris nati habuerim? †
pistrinum in mundo scibam, si dixem, mihi.
Simo
Non a me scibas pistrinum in mundo tibi,
500
Simo
Quin dictum est mihi?
Psevdolvs
Quia illúd malum aderat, istuc aberat longius;
illud erat praesens, huic erant dieculae.
Simo
Quid nunc agetis? nam hinc quidem a me non potest
argentum auferri, qui praesertim senserim.
505
ne quisquam credat nummum, iam edicam omnibus.
