Perde 1
[Textpart 3]
Quia enim non venalem iám habeo Phoenicium.
325
Calidorvs
Pseudole, ei accerse hostias,
victumas, lanios, ut ego huic sacruficem summo Iovi;
nam hic mihi nunc est multo potior Iuppiter quam Iuppiter.
Ballio
Nolo victumas: agninis me extis placari volo.
Calidorvs
Propera, quid stas? ei accerse agnos. audin quid ait Iuppiter?
330
Psevdolvs
Iam hic ero; verum extra portam mi etiam currendumst prius.
Psevdolvs
Lanios inde accersam duo cum tintinnabulis,
eadem duo greges virgarum inde ulmearum adegero,
ut hodie ad litationem huic suppetat satias Iovi.
Ballio
I in malam crucem.
335
Psevdolvs
Istuc ibit Iuppiter lenonius.
335
Ballio
Ex tua re est, ut ego emoriar.
quia edepol, dum ego vivos vivam, numquam eris frugi bonae.
Ex tua re non est, ut ego emoriar.
