Perde 5
[Textpart 2]
Agedum huc ostende. est par probe, quam habeo domi.
Hanno
O mi hospes, salve multum. nam mihi tuos pater
1050
patritus † ergo hospes Antidamas fuit.
haec mi hospitalis tessera cum illo fuit.
Agorastocles
Ergo hic apud me hospitium tibi praebebitur.
nam haúd repudio hospitium neque Carthaginem,
Hanno
Di dent tibi omnes quae velis.
1055
quid ais? qui potuit fieri, ut Carthagini
gnatus sis? hic autem habuisti Aetolum patrem.
Agorastocles
Surruptus sum illinc. hic me Antidama hospes tuos
emit, et is me sibi adoptavit filium.
Hanno
Demarcho item ipse fuit adoptaticius.
1060
sed mitto de illoc, ad te redeo. dic mihi,
ecquid meministi tuom parentum nomina,
si novi forte aut si sunt cognati mihi.
Agorastocles
Ampsigura mater mihi fuit, Iahon pater.
1065
