Perde 5
Milphio
Viden homines sarcinatos consequi?
† atque ut opinor digitos in manibus non habent.
980
Milphio
Quia incedunt cum anulatis auribus.
Hanno
Adibo hosce atque áppellabo Punice.
si respondebunt, Punice pergam loqui;
si non, tum ad horum mores linguam vertero.
Milphio
Quid ais tu? écquid commeministi Punice?
985
Agorastocles
Nihil edepol. nam qui scire potui, dic mihi,
qui illim sexennis perierim Carthagine?
Hanno
Pro di immortales, plurumi ad illum modum
periere pueri liberi Carthagine.
Agorastocles
Quid vis?
990
Milphio
Vin appellem hunc Punice?
990
Milphio
Nullus me est hodie Poenus Poenior.
Agorastocles
Adi atque appella, quid velit, quid venerit,
qui sit, quoiatis, unde sit: ne parseris.
