Perde 5
[Textpart 4]
Qui quidem inimicus non siet.
Agorastocles
Bonus est hic homo, mea voluptas.
Adelphasivm
Pol istum malim quam malum.
Agorastocles
Siquidem amicitiast habenda, cum hoc habendast.
1215
Adelphasivm
Hau precor.
1215
Agorastocles
Multa bona volt vobis facere.
Adelphasivm
Bonus bonis bene feceris.
Adelphasivm
At edepol nos voluptati tibi.
Adelphasivm
Istoc pretio tuas nos facile feceris.
Agorastocles
Patrue mi, ita me di amabunt, ut ego, si sim Iuppiter,
iam hercle ego illam uxorem ducam et Iunonem extrudam foras.
1220
ut pudice verba fecit, cogitate et commode,
ut modeste orationem praebuit.
sed ut astú sum adgressus ad eas.
Agorastocles
Lepide hercle atque commode.
Hanno
Pergo etiam temptare?
Agorastocles
In pauca confer: sitiunt qui sedent.
