Perde 5
[Textpart 2]
Sed earum nutrix qua sit facie, mi expedi.
Milphio
Statura hau magna, corpore aquilost.
Milphio
Specie venusta, óre atque oculis pernigris.
Hanno
Formam quidem hercle verbis depinxti probe.
Milphio
Vin eam videre?
1115
Hanno
Filias malo meas.
1115
sed i átque evoca illam; sí eae meae sunt filiae,
si illarum est nutrix, me continuo noverit.
Milphio
Heus, ecquis hic est? nuntiate ut prodeat
foras Gíddeneni. est qui illam conventam esse volt.
[Textpart 3]
Quis pultat?
1120
Milphio
Qui te proximust.
1120
novistin tu illunc tunicatum hominem qui siet?
Giddenes
Nam quém ego aspicio? pro supreme Iuppiter,
erus meus hic quidem est, mearum alumnarum pater,
