Perde 5
[Textpart 2]
Ain tú tibi dixe Syncerastum, Milphio,
Agorastocles
eas ésse ingenuas ambas surrupticias
Milphio
Aio, et, si frugi esse vis,
eas líberali iam adseres causa manu.
nam tuom flagitiumst tuas te popularis pati
965
servire ante oculos, domi quae fuerint liberae.
Hanno
Pro di immortales, opsecro vostram fidem,
quam orationem hanc aures dulcem devorant.
creta est profecto hórum hominum oratio,
ut mi apsterserunt omnem sorditudinem.
970
Agorastocles
Si ad eam rem testis habeam, faciam quod iubes.
Milphio
Quid tu mihi testis? quin tu insistis fortiter?
aliqua Fortuna fuerit adiutrix tibi.
Agorastocles
Incipere multost quam impetrare facilius.
Milphio
Sed quae illaec avis est, quae huc cum tunicis advenit?
975
numnam in balineis circumductust pallio?
Agorastocles
Facies quidem edepol Punicast.
servos quidem edepol veteres antiquosque habet.
