Perde 3
[Textpart 3]
Iamne itis? quid quod vobis mandavi, hospites?
Advocati
Cum illoc te meliust tuam rem, ádulescens, loqui:
illic ést ad istas res probus, quas quaeritas.
680
Collybiscvs
Videre equidem vos vellem, quom huic aurum darem.
Advocati
Illinc procul nos istuc inspectabimus.
Collybiscvs
Bonam dedistis mihi operam.
Collybiscvs
Illud quidem quorsum asinus caedit calcibus.
Lycvs
Blande hominem compellabo. hóspes hospitem
685
salutat. salvom te advenire gaudeo.
Collybiscvs
Multa tibi di dent bona, quom me salvom esse vis.
Lycvs
Hospitium te aiunt quaeritare.
Lycvs
Ita illí dixerunt, qui hinc a me abierunt modo,
te quaeritare a muscis.
690
Collybiscvs
Minime gentium.
690
Collybiscvs
Quia a muscis si mi hospitium quaererem,
adveniens irem in carcerem recta via.
ego id quaero hospitium, ubi ego curer mollius,
