Perde 3
[Textpart 3]
Capiti vestro istuc quidem.
645
Advocati
Nunc hunc, Lyce, ad te diripiundum adducimus.
Collybiscvs
Cum praeda hic hodie incedet venator domum:
canes compellunt in plagas lepide lupum.
Advocati
Nescimus nos quidem istum qui siet;
nisi dudum mane ut ad portum processimus,
650
atque istum e navi éxeuntem oneraria
videmus. adiit ad nos extemplo exiens;
Collybiscvs
Mortalis malos,
ut ingrediuntur docte in sycophantiam.
Advocati
Sermonem ibi nobiscum copulat.
655
ait sé peregrinum esse huius ignarum oppidi;
locum sibi velle liberum praeberier,
ubi nequam faciat. nos hominem ad te adduximus.
tu si te di amant, agere tuam rem occasiost.
Advocati
Ille est cupiens, aurum habet.
660
