Perde 1
[Textpart 2]
sine omni lepore et síne suavitate
Anterastilis
nisí multa aqua usque et diu macerantur,
olént, salsa súnt, tangere út non velís.
eius seminis mulieres sunt
245
insúlsae admodum átque invenústae
Milphio
Coqua ést haec quidem, Ágorastoclés, ut ego opínor:
scit, muriatica ut maceret.
Agorastocles
Quid molestu's molestus es ?
Adelphasivm
Soror, parce, amabo: sat est istuc alios
250
dicere nobis, ne nosmet in nostra etiam vitia loquamur.
Adelphasivm
Ergo amó te. sed hóc nunc respónde
quae ad deúm pacem opórtet adésse?
Anterastilis
Omnia áccuravi.
Agorastocles
Diém pulchrum et célebrem et venústatis plénum,
255
dignúm Venere pól, quoi sunt Áphrodisia hódie.
Milphio
Ecquid gratiae, quom huc foras te evocavi?
