Perde 1
[Textpart 2]
propter amorem vestrum.
Adelphasivm
Amabo, men prohibere postulas
ne te verberet magis quám ne mendax me advorsum siet?
400
Anterastilis
Aliquid huic responde, amabo, commode, ne incommodus
nobis sit. nam detinet nos de nostro negotio.
Adelphasivm
Verum. etiam tibi hanc amittam noxiam unam, Agorastocles.
Agorastocles
Da ergo, ut credam, savium.
Adelphasivm
Mox dabo, quom ab re divina rediero.
405
Agorastocles
I ergo strenue.
405
Adelphasivm
Sequere me, soror.
Agorastocles
Atque audin etiam? Veneri dicito
multam meis verbis salutem.
Agorastocles
Atque hoc audi.
Agorastocles
Paucis verbis rem divinam facito. atque audin? respice.
respexit. idem edepol Venerem credo facturam tibi.
