Perde 1
[Textpart 2]
Immo etiam in medio oculo paullum sordest.
315
Adelphasivm
Cedo sis dexteram.
315
Agorastocles
Vt quidem tu huius oculos inlutis manibus tractes aut teras?
Anterastilis
Nimia nos socordia hodie tenuit.
Adelphasivm
Qua de re, obsecro?
Anterastilis
Quia non iam dudum ante lucem ad aedem Veneris venimus,
primae ut inferremus ignem in aram.
Adelphasivm
Aha, non factost opus:
quaé habent nocturna ora, noctu sacruficatum ire occupant.
320
prius quam Venus expergiscatur, prius deproperant sedulo
sacruficare; nam vigilante Venere si veniant eae,
ita sunt turpes, credo ecastor Venerem ipsam e fano fugent.
Milphio
Edepol Milphionem miserum. quid nunc vis tibi?
Agorastocles
Opsecro hercle, ut mulsa loquitur.
325
Milphio
Nil nisi laterculos,
325
sesumam papaveremque, triticum et frictas nuces.
Agorastocles
Ecquid amare videor?
Milphio
Damnum, quod Mercurius minime amat.
Agorastocles
Namque edepol lucrum amare nullum amatorem addecet.
