Prologos
[Textpart pr]
eorum álter vivit, alter est emortuos.
PROLOGVS
propterea apud vos dico confidentius,
quia mihi pollictor dixit qui eum pollinxerat.
sed illí seni qui mortuost, ei filius,
unicus qui fuerat, ab divitiis a patre
65
puer séptuennis surripitur Carthagine,
sexennio prius quidem quam moritur pater.
quoniam periisse sibi videt gnatum unicum,
conicitur ipse in morbum ex aegritudine:
facit illum heredem fratrem patruelem suom,
70
ipse abit ad Acheruntem sine viatico.
ille quí surripuit puerum Calydonem avehit,
vendit eum domino hic diviti quoidam seni,
cupienti liberorum, osori mulierum.
emit hospitalem is filium imprudens senex
75
puerum illum eumque adoptat sibi pro filio
eumque heredem fecit, quom ipse obiit diem.
is illíc adulescens habitat in illisce aedibus.
revertor rursus denuo Carthaginem:
si quid mandare voltis aut curarier,
80
