Perde 5
[Textpart 2]
iam taceo hercle Atque tu Persa es, qui me usque ádmutilavisti ad cutem.
Toxilvs
Tace, stulte: hic eius geminust frater.
830
Toxilvs
Ac geminissumus.
830
Dordalvs
Di deaeque et te et geminum fratrem excrucient.
Sagaristio
Qui te perdidit:
Dordalvs
At enim quod ille meruit, tibi id obsit volo.
Toxilvs
Agite sultis, hunc lúdificemus.
Lemnisilenis
Nisi si dignust, non opust.
Toxilvs
Credo eo, quia non ínconciliavit, cúm te emo.
Lemnisilenis
At tamen non—tamen—
835
Toxilvs
Cave ergo sis maló, et sequere me.
835
te mihí dicto audientem esse addecet, nam hercle absque me
foret et meo praesidio, hic faceret te prostibilem propediem.
sed ita pars libertinorum est: nisi patrono qui adversatust,
nec satis liber sibi videtur nec satis frugi nec sat honestus,
ní id effecit, ni ei male dixit, ni grato ingratus repertust.
840
Lemnisilenis
Pol bene facta tua me hortantur, tuo ut imperio paream.
