Perde 4
Virgo
Dico equidem: quando hic servio, haec patriast mea.
Toxilvs
Iam de istoc rogare omitte (non vides nolle eloqui?)
ne suarúm se miseriarum in memoriam inducas.
Virgo
Non captus, sed quod habuit perdidit.
Toxilvs
Haec erit bono genere nata: nil scit nisi verum loqui.
645
Dordalvs
Quis fuit? dic nomen.
Virgo
Quid illum miserum memorem qui fuit?
nunc et illúm miserum et me miseram aéquom est nominarier.
Dordalvs
Quoius modi is suo ín populo habitust?
Virgo
Nemo quisquam acceptior:
Toxilvs
Hominem miserum praedicas,
quom ét ipsus prorsus perditust et benevolentis perdidit.
650
Toxilvs
Etiam opinor? summo genere esse arbitror;
divitias tu ex istac facies.
