Perde 4
[Textpart 4]
mihi quoque Lucridem confido fore te.
Toxilvs
Tu si hanc emeris,
numquam hercle hunc mensem vortentem, credo, servibit tibi.
Dordalvs
Ita velim quidem hercle.
Toxilvs
Optata ut evenant, operam addito.
nihil adhuc peccavit etiam.
630
Dordalvs
Vbi tu nata es?
630
mater dixit, in culina, in angulo ad laevam manum.
Toxilvs
Haec erit tibi fausta meretrix: natast in calido loco,
ubi rerum omnium bonarum copiast saepissume.
tactust leno; qui rogaret, ubi nata esset diceret,
Dordalvs
At ego patriam te rogo quae sit tua.
635
Virgo
Quae mihi sít, nisi haec ubi nunc sum?
Dordalvs
At ego illam quaero quae fuit.
Virgo
Omne ego pro nihilo esse duco quod fuit, quando fuit:
tamquam hominem, quando animam ecflavit, quid eum quaeras qui fuit?
Toxilvs
Ita me di bene ament, sapienter. atque equidem miseret tamen.
sed tamen, virgo, quae patriast tua, age mi actutum expedi.
640
