Perde 4
[Textpart 4]
indica, minimo daturus qui sis, qui duci queat.
590
Toxilvs
Tace, tace. nimis tú quidem hercle homo stultus es pueriliter.
Toxilvs
Quia enim te ex puella prius percontari volo
Dordalvs
Atque hercle tu me monuisti hau male.
vide sis, ego ille doctus leno paene in foveam decidi,
ni hic adesses. quantum est adhibere hominem amicum, ubi quid geras.
595
Toxilvs
Quo genere aut qua in patria nata sit aut quibus parentibus,
ne temere hanc te emisse dicas suasu atque impulsu meo,
Dordalvs
Quin laudo, inquam, consilium tuom.
Toxilvs
Nisi molestum est, percontari hanc paucis hic volt.
Toxilvs
Quid stas? adi sis tute atque ipse itidem roga,
600
ut tibi percontari liceat quae velis; etsi mihi
dixit dare potestatem eius; sed ego te malo tamen,
eumpse adire, ut ne contemnat te ille.
Dordalvs
Satis recte mones.
