Perde 2
[Textpart 4]
Vtinam vades desint, in carcere ut sis.
Sagaristio
Etiam, scelus, male loquere?
290
Paegnivm
Tandem ut liceat,
290
quom servos sis, servom tibi male dicere.
Paegnivm
Nil, nam nil habes.
Sagaristio
Di deaeque me omnes perdant—
Paegnivm
Amicus sum, eveniant volo tibi quae optas.
Sagaristio
Atque id fiat,
nisi te hodie, si prehendero, defigam in terram colaphis.
Paegnivm
Tun me defigas? te cruci ipsum adfigent propediem alii.
295
Sagaristio
Qui te di deaeque—scis quid hinc porro dicturus fuerim,
ni linguae moderari queam. potin abeas?
nam umbra mea iam intus vapulat.—
Sagaristio
Vt istúnc di deaeque perdant.
tamquam proserpens bestiast bilinguis et scelestus.
