Perde 3
Theopropides
Ibo intro igitur.
Tranio
Mane sis videam, ne canis—
Theopropides
Agedum vide.
Tranio
Est! abi, canis. est! abin diérecta? abin hinc in malam crucem?
at etiam restas? est! ábi istinc.
Simo
Nil pericli est, age modo.
tam placidast, quam feta. quam vis ire intro audacter licet.
Theopropides
Fecisti commode, bene ambula.
Tranio, age, canem istam a foribus aliquis abducat face,
etsi non metuenda est.
855
Tranio
Quin tu illam aspice ut placide accubat;
855
nisi molestum vis videri te atque ignavom.
Theopropides
Iam ut lubet.
Tranio
Equidem haud usquam a pedibus apscedam tuis.—
