Perde 3
[Textpart 2]
Non videor vidisse postis pulchriores.
820
eo pretio empti fuerant olim.
Tranio
Audin fuerant dicere?
vix videtur continere lacrimas.
Theopropides
Quanti hosce emeras?
Simo
Tris minas pro istis duobus praeter vecturam dedi.
Theopropides
Hercle qui multo improbiores sunt quam a primo credidi.
Theopropides
Quia edepol ambo ab infimo tarmes secat.
825
Tranio
Intempestivos excisos credo, id eis vitium nocet.
atque etiam nunc satis boni sunt, si sunt inducti pice;
non enim haec pultiphagus opifex opera fecit barbarus.
viden coagménta in foribus?
Tranio
Specta, quam arte dormiunt.
Theopropides
Dormiunt?
830
Tranio
Illud quidem, ut conivent, volui dicere.
830
Theopropides
Vt quidquid magis contemplo, tanto magis placet.
