Perde 3
[Textpart 1]
Scelestiorem ego annum argento faenori
Danista
numquam ullum vidi quam hic mihi annus optigit.
a mani ad noctem usque in foro dego diem,
locare argenti nemini nummum queo.
535
Tranio
Nunc pol ego perii plane in perpetuom modum.
danista adest, qui dedit argentum faenore,
qui amica est empta quoque opus in sumptus fuit.
manifesta res est, nisi quid occurro prius,
ne hóc senex resciscat. ibo huic obviam.
540
sed quidnam hic sese tam cito recipit domum?
metuo ne de hac re quippiam indaudiverit.
accedam atque adpellabo. ei quam timeo miser.
nihil est miserius quam animus hominis conscius,
sicut me † habet. verum utut res sese habet,
545
pergam turbare porro: ita haec res postulat.
Theopropides
Conveni illum unde hasce aedis emeram.
Tranio
Numquid dixisti de illo quod dixi tibi?
Theopropides
Dixi hercle vero ómnia.
