Perde 1
[Textpart 3]
quibus anus domi súnt uxores, quae vos dote meruerunt.
Philemativm
Agedum contempla aurum et pallam, satin haec me deceat, Scapha.
Scapha
Non me istuc curare oportet.
Philemativm
Quem obsecro igitur?
Philolachem, is ne quid emat, nisi quod sibi placere censeat.
nám amator meretricis mores sibi emit auro et purpura.
quid opust, quod suom esse nolit, ei ultro ostentarier?
purpura aetati occultandaest, aurum turpi mulieri.
pulchra mulier nuda erit quam purpurata pulchrior:
poste nequiquam exornata est bene, si morata est male.
290
pulchrum ornatum turpes mores peius caeno conlinunt.
nam si pulchra est, nimis ornata est.
Philolaches
Nimis diu abstineo manum.
Philemativm
Tibi me exorno út placeam.
Philolaches
Ornata es satis.
abi tu hinc intro atque ornamenta haec aufer. sed, voluptas mea,
mea Philematium, potare tecum conlibitum est mihi.
295
Philemativm
Et edepol mihi tecum, nam quod tibi libet idem mihi libet,
