Perde 4
[Textpart 1]
Pithecium haec est prae illa et spinturnicium.
Palaestrio
viden tu illam oculis venaturam facere atque aucupium auribus?
990
[Textpart 2]
Iam est ante aedis circus ubi sunt ludi faciundi mihi.
Milphidippa
dissimulabo, hos quasi non videam néque esse hic etiamdum sciam.
Pyrgopolynices
Tace, subauscultemus ecquid de me fiat mentio.
Milphidippa
Numquis nam hic própe adest qui rem alienam potius curet quam suam,
qui aucupet me quid agam, qui de vesperi vivat suo?
995
eos nunc homines metuo, mihi ne obsint neve opstent uspiam,
domo si bitat, dum huc transbitat, quae huius cupiens corporist,
quae ámat hunc hominem nimium lepidum et nimia pulchritudine,
Pyrgopolynices
Satin haec quoque me deperit?
meam laudat speciem. edepol huius sermo haud cinerem quaeritat.
1000
Palaestrio
Quo argumento?
Pyrgopolynices
Quia enim loquitur laute et minime sordide.
Palaestrio
Quippini? istaec de te loquitur: nihil attrectat sordidi.
Pyrgopolynices
Tum autem illa ipsa est nimium lepida nimisque nitida femina.
hercle vero iam adlubescit primulum, Palaestrio.
Palaestrio
Priusne quam illam oculis tuis videas?
1005
Pyrgopolynices
Video id quod credo tibi.
1005
