Perde 4
[Textpart 8]
stulte feci qui hunc amisi. íbo hinc intro nunciam
Pyrgopolynices
ad amores meos. sed, sensi, hinc sonitum fecerunt foris.
[Textpart 9]
Ne me moneatis, memini ego officium meum,
Pver
ego † nam conveniam illum, ubi ubi est gentium;
investigabo, óperae non parcam meae.
1380
Pyrgopolynices
Me quaerit illic. ibo huic puero obviam.
Pver
Ehem, te quaero. salve, vir lepidissime,
cumulate commoditate, praeter ceteros
Pyrgopolynices
Facetum puerum.
1385
Pver
Intro te ut eas obsecrat,
1385
te volt, te quaerit, teque exspectans expetit.
amanti fer opem. quid stas? quin intro is?
Pver
Ipsus illic sese iam impedivit in plagas;
paratae insidiae sunt: in statu stat senex,
ut adoriatur moechum, qui formast ferox,
1390
qui omnis se amare credit, quaeque aspexerit
