Perde 4
[Textpart 8]
Philocomasium, salve.
1315
Philocomasivm
Et tu salve.
1315
Plevsicles
Materque et soror
1315
tibi salutem me iusserunt dicere.
Philocomasivm
Salvae sient.
Plevsicles
Orant te, ut eas, ventus operam dum dat, ut velum explicent;
nam matri oculi si valerent, mecum venissent simul.
Philocomasivm
Ibo; quamquam invita facio, impietas sit nisi eam.
Pyrgopolynices
Si non mecum aetatem egisset, hodie stulta viveret.
1320
Philocomasivm
Istuc crucior, a viro me tali abalienarier,
nam tu quemvis potis es facere ut afluat facetiis;
et quia tecum eram, propterea ánimo eram ferocior:
eam nobilitatem amittendam video.
Pyrgopolynices
Habe bonum animum.
1325
Philocomasivm
Scio ego quid doleat mihi.
1325
Palaestrio
Nam nil miror, si libenter, Philocomasium, híc eras,
