Perde 3
[Textpart 3]
Cesso égo illis obviam ire?
Palaestrio
venire salvom gaudeo, lepide hercle ornatus incedis.
Periplectomenvs
Bene opportuneque obviam es, Palaestrio. em tibi adsunt
quas me iussisti adducere et quo ornatu.
Palaestrio
eu, noster esto.
Palaestrio Acroteleutium salutat.
900
Acrotelevtivm
Quis hic amabo est,
900
qui tam pro nota nominat me?
Periplectomenvs
Hic noster architectust.
Acrotelevtivm
Salve, architecte.
Palaestrio
Salva sis. sed dic mihi, ecquid hic te
Periplectomenvs
Probe meditatam utramque duco.
Palaestrio
Audire cupio, quem ad modum; ne quid peccetis paveo.
Periplectomenvs
Ad tua praecepta de meo nihil his novom adposivi.
905
Acrotelevtivm
Nempe lúdificari militem tuom erum vis?
Acrotelevtivm
Lepide et sapienter, commode et facete res paratast.
Palaestrio
Atque huius uxorem volo te esse adsimulare.
