Perde 2
[Textpart 2]
arripe opem auxiliumque ad hanc rem: propere hoc, non placide decet.
220
Periplectomenvs
anteveni aliqua aut tú aliquosum circumduce exercitum,
coge in obsidium perduellis, nostris praesidium para;
interclude inimicis commeatum, tibi muni viam
qua cibatus commeatusque ad te et legiones tuas
tuto possit pervenire: hanc rém age, res subitaria est.
225
reperi, comminiscere, cedo calidum consilium cito,
quae hic sunt visa ut visa ne sint, facta ut facta ne sient.
magnam illic homo rem incipissit, magna munit moenia.
tu unus si recipere hoc ad te dicis, confidentiast
nos inimicos profligare posse.
230
Palaestrio
Dico et recipio
230
Periplectomenvs
Et ego impetrare dico id quod petis.
Palaestrio
At te Iuppiter
Periplectomenvs
Auden participare me quod commentus escommentu's?
dum in regionem astutiarum mearum te induco, ut scias
iuxta mecum mea consilia.
