Perde 2
[Textpart 4]
Credo ego istoc extemplo tibi esse eundum actutum extra portam,
Palaestrio
dispessis manibus, patibulum quom habebis.
360
Sceledrvs
Quamnam ob rem?
360
Palaestrio
Respice dum ad laevam: quis illaec est mulier?
Sceledrvs
Pro di immortales,
eri cóncubinast haec quidem.
Palaestrio
Mihi quoque pol ita videtur.
age nunciam, quando lubet —
Palaestrio
Perire propera.
Philocomasivm
Vbi iste ést bonus sérvos, qui probri me maxumi innocentem
Palaestrio
Em tibi, hic mihi dixit tibi quae dixi.
365
Philocomasivm
Tun me vidisse in proxumo hic, sceleste, ais osculantem?
Palaestrio
Atque cum álieno adulescentulo dixit.
Sceledrvs
Dixi hercle vero.
Philocomasivm
Tun me vidisti?
Sceledrvs
Atque his quidem hercle oculis.
Philocomasivm
Carebis, credo,
qui plus vident quam quod vident.
