Perde 5
[Textpart 2]
Mane parumper atque haec audi.
Charinvs
Cape sis, puere, hoc pallium.
Evtychvs
Mater irata est patri vehementer, quia scortum sibi
ob oculos adduxerit in aedis, dum ruri ipsa abest:
suspicatur illam amicam esse illi.
925
Charinvs
Sonam sustuli.
925
Evtychvs
Eam rem nunc exquirit intus.
Charinvs
Iam machaerast in manu.
Evtychvs
Nam si eo ted intro ducam—
Charinvs
Tollo ampullam atque hinc eo.
Evtychvs
Mane, mane, Charine.
Charinvs
Erras, me decipere haud potes.
Evtychvs
Neque edepol volo.
Charinvs
Quín tu ergo itiner exsequi meum me sinis?
Charinvs
Egomet me moror. tu puere, abi hinc intro ocius.
930
iam in currum escendi, iam lora ín manus cepi meas.
Charinvs
Quin, pedes, vos in curriculum conicitis
in Cyprum recta, quandoquidem pater mihi exilium parat?
