Perde 5
[Textpart 3]
Quasi tu numquam quicquam adsimile húius facti feceris.
Lysimachvs
Edepol numquam; cavi ne quid facerem. vix vivo miser.
nam mea uxor propter illam tota in fermento iacet.
Demipho
At ego expurigationem habebo, ut ne suscenseat.
960
Lysimachvs
Sequere me. sed exeuntem filium video meum.
[Textpart 4]
Ad patrem ibo, ut matris iram sibi esse sedatam sciat.
Lysimachvs
Placet principium. quid agis? quid fit, Eutyche?
Evtychvs
Optima opportunitate ambo advenistis.
Evtychvs
Vxor tíbi placida ét placatast. cette dextras nunciam.
965
Lysimachvs
Di me servant.
Evtychvs
Tibi amicam ésse nullam nuntio.
Demipho
Di te perdant. quid negotist nam, quaeso, istuc?
animum advortite igitur ambo.
Demipho
Quin tibi ambo operam damus.
Evtychvs
Qui bono sunt genere nati, si sunt ingenio malo,
suapte culpa genere sapiunt, genus ingenio ímprobant.
970
