Perde 3
[Textpart 1]
eam si curabis, perbonast, tondetur nimium scite.
Pasicompsa
Honoris causa quidquid est quod dabitur gratum habebo.
Lysimachvs
Nunc, mulier, ne tu frustra sis, mea non es, ne arbitrere.
Pasicompsa
Dic igitur quaeso, quoia sum?
Lysimachvs
Tuo ero redempta es rursum;
ego te redemi, ílle mecum oravit.
530
Pasicompsa
Animus rediit,
530
Lysimachvs
Bono animo es, liberabit
ille te homo: ita edepol deperit, atque hodie primum vidit.
Pasicompsa
Ecastor iam bienniumst, quom mecum rem coëpit.
nunc, quando amicum te scio esse illius, indicabo.
Lysimachvs
Quid ais tu? iam bienniumst, quom tecum rém habet?
535
et intér nos coniuravimus, ego cum illo et ille mecum:
ego cum viro et ílle cum muliere, nisi cum illo aut ille mecum,
neuter stupri causa caput limaret.
Lysimachvs
Di immortales,
etiam cum uxore non cubet?
Pasicompsa
Amabo, án maritust?
