Perde 2
[Textpart 3]
multo edepol si quid faciendumst facere damni mavolo,
Demipho
quam opprobramentum aut flagitium muliebre exferri domo.
me tibi illam posse opinor luculente vendere.
Charinvs
Dum quidem hercle ne minoris vendas quám ego emi, pater.
Demipho
Tace modo: senex est quidam, qui illam mandavit mihi
ut emerem aut ad istanc faciem.
Charinvs
At mihi quidam adulescens, pater,
mandavit ad illam faciem, ita ut illaec est, emerem sibi.
Demipho
Viginti minis opinor posse me illam vendere.
Charinvs
At ego si velim, iam dantur septem et viginti minae.
430
Charinvs
Quin ego, inquam—
Demipho
Ah, nescis quid dicturus sum, tace.
tris minas accudere etiam possum, ut triginta sient.
Demipho
Ad illum qui emit.
Charinvs
Vbinamst is homo gentium?
Demipho
Eccillum video. iubet quínque me addere etiam nunc minas.
Charinvs
Hercle illunc divi infelicent, quisquis est.
