Perde 5
[Textpart 2]
ante aedis et eius virum tristem video.
Senex
id ést quod suspicábar.
Matrona
Ibo advorsum. sálve multum, mí pater.
775
Senex
Salva sis. salven advenio? salven accersi iubes?
quid tu tristis es? quid ille autem abs te iratus destitit?
nescio quíd vos velitati éstis inter vos duos.
loquere, uter meruistis culpam? paucis, non longos logos.
Matrona
Nusquam equidem quicquam deliqui: hoc primum te absolvo, pater.
780
verum vivere hic non possum neque durare ullo modo.
proin tu me hinc abducas.
Senex
Quid istuc autem est?
Matrona
Ab illo, quoi me mandavisti, meo viro.
Senex
Ecce autem litigium. quotiens tandem édixi tibi,
ut caveres, neuter ad me iretis cum querimonia?
785
Matrona
Qui ego istuc, mi pater, cavere possum?
