Perde 5
[Textpart 9]
Di immortales, spem insperatam date mihi quam suspicor.
Messenio
nam nisi me animus fallit, hi sunt gemini germani duo.
nam et patriam et patrem conmemorant pariter qui fuerint sibi.
sevocabo erum. Menaechme.
Menaechmvs Sosicles
Quid vis?
sed uter vostrorum est advectus mecum navi.
1085
Messenio
Te volo igitur. huc concede.
Sosicles
Concessi. quid est?
Messenio
Illic homó aut sycophanta aut geminus est frater tuos.
nam ego hominem hominis similiorem numquam vidi álterum.
neque aqua aquae nec lacte est lactis, crede mi, usquam similius,
quam hic tui est, tuque huius autem; post eandem patriam ac patrem
1090
memorat. meliust nos adire átque hunc percontarier.
Sosicles
Hercle qui tu me admonuisti recte, et habeo gratiam.
perge operam dare, obsecro hercle; liber esto, si invenis
