Perde 5
[Textpart 8]
ob eam rem, quia te servavi, me amisisti liberum.
1055
Messenio
cum argentum dixi me petere et vasa, tu quantum potest
praecucurristi obviam, ut quae fecisti infitias eas.
Sosicles
Liberum ego te iussi abire?
Sosicles
Quin certissimumst,
mepte potius fieri servom, quam te umquam emittam manu.
[Textpart 9]
Si vóltis per oculos iurare, nihilo hercle ea causa magis
1060
Menaechmvs
faciétis, ut ego hódie abstulerim pallam et spinter, pessumae.
Messenio
Pro di ímmortales, quid ego video?
Sosicles
Quid negoti est?
Messenio
Tuast imago. tam consimilest quam potest.
Sosicles
Pol profecto haud est dissimilis, meam quom formam noscito.
Menaechmvs
O adulescens, salve, qui me servavisti, quisquis es.
1065
Messenio
Adulescens, quaeso hercle eloquere tuom mihi nomen, nisi piget.
Menaechmvs
Non edepol ita promeruisti de me, ut pigeat, quae velis
obsequi. mihi est Menaechmo nomen.
Sosicles
Immo edepol mihi.
