Perde 5
[Textpart 7]
Verum, quandoquidem, ere, te servavi.
Messenio
Quid, erro?
1025
Menaechmvs
Per Iovem adiuro patrem,
1025
nec meus servos úmquam tale fecit quale tu mihi.
Messenio
Sic sine igitur, si tuom négas me ésse, abire liberum.
Menaechmvs
Mea quidem hercle causa liber esto atque ito quo voles.
Messenio
Nempe iubes?
1030
Menaechmvs
Iubeo hercle, si quid imperi est in te mihi.
1030
Messenio
Salve, mi patrone. cum tu liber es, Messenio,
gaudeo. credo hercle vobis. sed, patrone, te obsecro,
ne minus imperes mihí quam cum tuos servos fui.
apud ted habitabo et quando ibis, una tecum ibo domum.
Messenio
Nunc ibo in tabernam, vasa atque argentum tibi
1035
referam. recte est obsignatum in vidulo marsuppium
