Perde 5
[Textpart 7]
numquam te patiar perire, me perirest aequius.
1010
Messenio
eripe oculum ísti, ab umero qui tenet, ere, te obsecro.
hisce ego iam sementem in ore faciam pugnosque obseram.
maximo hodie malo hercle vostro ístunc fertis. mittite.
Menaechmvs
Teneo ego huic oculum.
Messenio
Face ut oculi locus in capite appareat.
vos scelesti, vos rapacis, vos praedones.
1015
Menaechmvs
Quid me vobis tactiost?
Messenio
Agite abite, fugite hinc in malam crucem.
em tibi etiam: quia postremus cedis, hoc praemi feres.
nimis bene ora commetavi atque ex mea sententia.
edepol, ere, ne tibi suppetias temperi adveni modo.
1020
Menaechmvs
At tibi di semper, adulescens, quisquis es, faciant bene.
nam absque te esset, hodie numquam ad solem occasum viverem.
Messenio
Ergo edepol, si recte facias, ere, med emittas manu.
Menaechmvs
Liberem ego te?
