Perde 5
[Textpart 2]
barbatum, tremulum Tithonum, qui cluet Cygno patre,
Menaechmvs
ita mihi imperas ut ego huius membra atque ossa atque artua
855
comminuam illo scipione quem ipse habet.
me quidem si attígeris aut si propius ad me accesseris.
Menaechmvs
Faciam quod iubes; securim capiam ancipitem, atque hunc senem
osse fini dedolabo ássulatim viscera.
Senex
Enim vero illud praecavendumst, atque adcurandumst mihi;
860
sane ego illúm metuo, ut minatur, ne quid male faxit mihi.
Menaechmvs
Multa mi imperas, Apollo: nunc equos iunctos iubes
capere me indomitos, ferocis, atque in currum inscendere,
ut ego hunc proteram leonem vetulum, olentem, edentulum.
iam adstiti in currum, iam lora teneo, iam stimulus in manust.
865
agite equi, facitote sonitus ungularum appareat,
cursu celeri facite inflexa sit pedum pernicitas.
Senex
Mihin equis iunctis minare?
Menaechmvs
Ecce, Apollo, denuo
me iubes facere impetum in eum qui stat atque occidere.
sed quis hic est qui me capillo hínc de curru deripit?
870
imperium tuom demutat atque edictum Apollinis.
