Perde 3
[Textpart 3]
Dicam curare?
Menaechmvs
Dicito: curabitur.
et palla et spinter faxo referantur simul.
Ancilla
Amabo, mi Menaechme, inauris da mihi
faciendas pondo duom nummum, stalagmia,
ut te libenter videam, quom ad nos veneris.
Menaechmvs
Fiat. cedo aurum, ego manupretium dabo.
Ancilla
Da sodes abs te: ego post reddidero tibi.
545
Menaechmvs
Immo cedo abs te: ego post tibi reddam duplex.
Menaechmvs
At tu, quando habebis, tum dato.
Menaechmvs
Haec me curaturum dicito—
ut quantum possint quique liceant veneant.
iamne abiit intro? abiit, operuit fores.
550
di me quidem omnes adiuvant, augent, amant.
sed quid ego cesso, dum datur mi occasio
tempusque, abire ab his locis lenoniis?
propera, Menaechme, fer pedem, confer gradum.
demam hanc coronam atque abiciam ad laevam manum,
555
