Perde 2
[Textpart 3]
Ecastor haud invita fecero.
Erotivm
sed scin quid te amabo ut facias?
425
Menaechmvs
Impera quid vis modo.
425
Erotivm
Pallam illam, quam dudum dederas, ad phrygionem ut deferas,
ut reconcinnetur atque ut opera addantur quae volo.
Menaechmvs
Hercle qui tu recte dicis: eádem ignorabitur,
ne uxor cognoscat te habere, si in via conspexerit.
Erotivm
Ergo mox auferto tecum, quando abibis.
430
Menaechmvs
Iam sequar te. húnc volo etiam conloqui.
eho Messenio, accede huc.
Messenio
Quid negoti est?
Menaechmvs
Opus est. scio ut me dices.
Menaechmvs
Habeo praedam: tantum incepi óperis. ei quantum potes,
abduc istos in tabernam actutum devorsoriam.
tum facito ante solem occasum ut venias advorsum mihi.
