Perde 4
[Textpart 1]
Quid est quod voltus turbatust tuos?
560
Philippa
Filiam quam ex te suscepi—
Philippa
Eductam perdidi.
Periphanes
Habe animum lenem et tranquillum. tace.
domi meae eccam salvam et sanam. nam postquam audivi ilico
ex meo servo, illam esse captam, continuo argentum dedi,
ut emeretur. ille eam rem ádeo sobrie et frugaliter
565
accuravit, utut ad alias res est impense inprobus.
Philippa
Fac videam, si mea, si salva mihi sit.
Periphanes
Eho, istinc, Canthara,
iube Telestidem huc prodire filiam ante aedis meam,
Philippa
Remigrat animus nunc demum mihi.
[Textpart 2]
Quid est, pater, quod me excivisti ante aedis?
570
Periphanes
Vt matrem tuam
570
videas, adeas, advenienti des salutem atque osculum.
Acropolistis
Quam meam matrem?
Periphanes
Quae exanimata exsequitur aspectum tuom.
