Perde 3
[Textpart 4]
Pol égo magis unum quaero, meas cui praedicem,
Miles
quam illum qui memoret suas mihi.
Periphanes
Hic non est locus;
proin tu alium quaeras cui centones sarcias.
455
atque haec stultitiast me illi vitio vortere
egomet quod factitavi in adulescentia,
cum militabam: pugnis memorandis meis
eradicabam hominum auris, quando occeperam.
Miles
Animum advorte, ut quod ego ad te advenio intellegas.
meam amicam audivi te esse mercatum.
nunc demum scio ego hunc qui sit: quem dudum Epidicus
mihi praedicavit militem. adulescens, itast
Miles
Volo te verbis pauculis,
460
si tibi molestum non est.
Periphanes
Non edepol scio,
molestum necne sit, nisi dicis quid velis.
Miles
Mi illam ut tramittas, argentum accipias: adest.
nam quid ego apud te vera parcam proloqui?
