Perde 4
[Textpart 4]
meaeque pugnae proeliares plurimae optritae iacent?
Therapontigonvs
at ita me machaera et clupeus
bene iuvent pugnantem in acie: nisi mi virgo redditur,
575
iam ego te faciam ut hic formicae frustillatim differant.
Cappadox
At ita me volsellae, pecten, speculum, calamistrum meum
bene me amassint meaque axitia linteumque extersui,
ut ego tua magnifica verba néque istas tuas magnas minas
non pluris facio quam ancillam meam quae latrinam lavat.
580
ego illam reddidi qui argentum a te attulit.
Therapontigonvs
Quis is est homo?
Cappadox
Tuom libertum ésse aiebat sese Summanum.
attat, Curculio hercle verba mihi dedit, cum cogito.
is mihi anulum subripuit.
Cappadox
Perdidistin tu anulum?
miles pulchre centuriatus est expuncto in manipulo.
585
Therapontigonvs
Vbi nunc Curculionem inveniam?
Cappadox
In tritico facillume,
vel quingentos curculiones pro uno faxo reperias.
ego abeo, vale atque salve.—
