Perde 4
[Textpart 1]
in Tusco vico, ibi sunt homines qui ipsi sese venditant,
Choragvs
in Velabro vel pistorem vel lanium vel haruspicem
vel qui ipsi vorsant vel qui aliis ubi vorsentur praebeant.
ditis damnosos maritos apud Leucadiam Oppiam.
485
sed interim fores crepuere: linguae moderandum est mihi.—
[Textpart 2]
I tú prae, virgo: nón queo quod póne me est serváre.
Cvrcvlio
et aurum et vestem omnem suam esse aiebat quam haec haberet.
Cappadox
Nemo it infitias.
Cvrcvlio
At tamen meliusculum est monere.
Lyco
Memento promisisse te, si quisquam hanc liberali
490
causa manu assereret, mihi omne argentum redditum iri,
Cappadox
Meminero, de istoc quietus esto.
Cvrcvlio
Et quidem meminisse ego haec volam te.
Cappadox
Memini, et mancupio tibi dabo.
Cvrcvlio
Egon ab lenone quicquam
mancupio accipiam, quibus sui nihil est nisi una lingua,
495
qui abiurant si quid creditum est? alienos mancupatis,
alienos manu emittitis alienisque imperatis,
