Perde 2
[Textpart 3]
vocat me ad cenam; religio fuit, denegare nolui.
350
Cvrcvlio
quid si abeamus ac décumbamus? inquit. consilium placet:
neque diem decet morari, neque nocti nocerier.
omnis res paratast. et nos, quibus paratum est, assumus.
postquam cenati atque appoti, talos poscit síbi in manum,
provocat me in aleam, ut ego ludam: pono pallium;
355
ille suom amiculum opposivit, invocat Planesium.
Phaedromvs
Meosne amores?
Cvrcvlio
Tace parumper. iacit volturios quattuor.
talos arripio, invoco almam meam nutricem Hérculem,
iacto basilicum; propino magnum poclum: ille ebibit,
caput deponit, condormiscit. ego ei subduco anulum,
360
deduco pedes de lecto clam, ne miles sentiat.
rogant me servi quó eam: dico me ire quo saturi solent.
ostium ubi conspexi, exinde me ilico protinam dedi.
Cvrcvlio
Laudato quando illud quod cupis effecero.
eamus nunc intro, ut tabellas consignemus.
365
Phaedromvs
Num moror?
365
Cvrcvlio
Atque aliquid prius obstrudamus, pernam, sumen, glandium,
