Perde 3
[Textpart 1]
Rem élocuta sum tibi omnem; sequere hac me, Selenium,
Melaenis
ut eorum quoiam esse oportet te sis potius quam mea.
quamquam invita te carebo, ánimum ego inducam tamen
ut illud quem ad modum tuam in rem bene conducat consulam.
nam hic crepundia insunt, quibuscum te illa olim ad me detulit,
635
quae mihí dedit, parentes te ut cognoscant facilius.
accipe hanc cistellam, Halisca. ágedum pulta illas fores.
dic me orare ut aliquis intus prodeat propere ocius.
Alcesimarchvs
Recipe me ad te, Mors, amicum et benevolum.
Alcesimarchvs
Vtrum hac me feriam an ab laeva latus?
Selenivm
Alcesimarchum non vides? ferrum tenet.
Alcesimarchvs
Ecquid agis? remorare. lumen linque.
Selenivm
Amabo, accurrite,
Alcesimarchvs
O Salute méa salus salubrior,
tu nunc, si ego volo seu nolo, sola me ut vivam facis.
645
Melaenis
Haud voluisti istuc severum facere.
