Perde 2
[Textpart 1]
Feci saepe, quod factum queror.
Alcesimarchvs
Redde mi illam.
505
Melaenis
Inter novam rem verbum usurpabo vetus:
505
quod dedi datum non vellem, quod relicuomst non dabo.
Alcesimarchvs
Non remissura es mihi illam?
Melaenis
Pro me responsas tibi.
Alcesimarchvs
Non remittes?
Melaenis
Scis iam dudum omnem meam sententiam.
Alcesimarchvs
Satin istuc tibi in corde certumst?
Melaenis
Quin ego commentor quidem.
Alcesimarchvs
Non edepol ego istaec tua dicta nunc in auris recipio.
510
Melaenis
Non? hem, quid agis igitur? animum advorte iam, ut quid agas scias.
Alcesimarchvs
At ita me di deaeque, superi atque inferi et medioxumi,
itaque me Iuno regina et Iovis supremi filia
itaque me Saturnus eius patruos—
Alcesimarchvs
Itaque me Ops opulenta illius avia—
515
Melaenis
Immo mater quidem.
515
Alcesimarchvs
Iuno filia et Saturnus patruos et summus Iuppiter—
tu me delenis, propter te haec pecco.
